ПМХЗ жұмыскерлері арасында Тілдер күніне орай зияткерлік байқау өтті

Мемлекеттік тілді дамыту бағдарламасы шеңберінде өтетін тағы бір маңызды іс-шаралардың бірі - «Білгірлер сайысы». Онда көңілді атмосферада қазақтың ұлттық мәдениеті жөніндегі өз біліміңді және басқа да салалардағы танымыңызды сынап көруге мүмкіндік болды. Викториналар мен шығармашылық тапсырмалар ұжымды біріктіруге және көңіл күйді көтеруге тамаша себеп болды.

Байқау жүргізушілері Дайыр Қабыкен мен Мадияр Сарсембай зияткерлік және танымдық тақырыптарға конкурстар өткізді. Сайыс біліктілікті саралау бойынша 4 кезеңнен тұрды. Әрбір кезеңде қатысушылар тарих пен ұлттық салт-дәстүр сұрақтарға еш ойлануды қажет етпестен мүдірмей жауап берді. Байқаудың бастамасы ретінде викторина сұрақтары қазақ және орыс тілінде берілді. Әр топ құрамында 4 адам болды. Байқау нәтижесінде әр кезең бойынша ең көп ұпай жинаған команда жеңімпаз атанды.

Қонақтар да жанкүйер ретінде үш топқа бөлінді. «Тіл қазынасы» тобының құрамында Ильяс Жүкешев, Данияр Байжанов, Әлия Мамашева және Оксана Ильяшенко болса, «Тіл&мұнай» командасы құрамында – Айдарбек Жанкишев, Сұнгат Жаныгүл, Мадина Сейсенбаева және Мағжан Тілек, «Ертіс жалыны» тобының құрамында – Алмас Жұматаев, Айнаш Мажит, Альфия Мұхаметжанова және Ирина Нурпеисова болды.

Байқаудың ұйымдастырушысы- қазақ тілі пәнінің оқытушысы –Гүлнәз Әлімканова. Байқау жүлдегерлері грамотамен және естелік сыйлықтармен марапатталды.